قصــآآآيد الشاعر:معضد بن ديين الكعبي..

,’

ليش جاسي ودايس انحاسي=ليش ماترحم عباد الله
ليش طبعك فالهوى جاسي=اللي يرحم يرحمه الله
انا لجلك خاضع الراسي=دوم واترياك هل هالله
لا رساله ولا خبر راسي=لا ولا حتى سلام الله
ليته احساسك شرى احساسي=في الهوى والشوق هي والله
برتحل بك للسما الماسي=عنداختك شمسنا والله
ذاك سعدي وذاك نوماسي=وذاك جنه من جنان الله
برتشف من خمر الالعاسي=من شفاتك من نعيم الله
انت عمري واهلي وناسي=يالضنا والغير لا والله
يافنق عن جمع الاجناسي=حسنك آيه وصاغها الله
ري عود البان مياسي=ماخلق مثله فديار الله
كاالعلندا عيونك انعاسي=ينجلي منها صنع الله
والرموش اجيوش حراسي=جيش غازي ما يخاف الله
والشعر عالردف متواسي=حالك الديجور ليل الله
ينتشل لي هب نسناسي=لعبته عطار شيل الله
كم بوصف ذاك نبراسي=ذاب عقلي والعوض عالله
ـــــــــــــــــــــــــــــــــــــــــ

اذكر معاه اسعادي=زين الوفى ومعروفه
ياما وفى بوعادي= وما ياه يوم اختل
نصف العتيم الهادي=والقى الظلام عطوفه
اشوفه انا متبادي =ودقات قلبي اتشل
ـــــــــــــــــــــــــــــــــــــــــ

روافد خيالي جمال الحبييب=واطرز مقالي بشكله الغريب
دعوج عنوج دلوع لعوب=فريده صفاته وطبعه غريب
اليف لطيف جليس الزمان=غزور نفور بعيد قريب
وداده سعاده واسمه خيال=ورسمه مواكب خيالي الرحيب
طلعته تخلي الليالي نهار=وصوته يسلي العلليل الكئيب
وعينه حضاره بنتها الشعوب=اذا طاش منها سهام تصيب
وخده كبرق في ليل الظلام=وورده تجلى في لون المغييب
في هيلي خليلي مقيم مديم=مدلل معزز وعوده رطيب
يعدي ويهدي ويمشي ملاك=اصيل نحيل وخصره جبيب
خطاوي رجاوي ملوك الزمان=ومن غير خلي المليك الحبيب
الا يا اله بدعت الجمال=لدعوات عبدك عسى تستجيب
في ليله افتكرها ليالي الخلود=واقول لقمرنا حذاري تغيب

قصــآآآيد الشاعر:معضد بن ديين الكعبي.. 950099621

يسلم لــسان الشااعر
وربي لا هاان النااقل ,,